Novial/Hunde Lektione 7
Li Pede-printatus[muokkaa | muokkaa wikitekstiä]
Doktore Mortimer respondad “Me dikte tu kel me non ha konfida a ule. Me non did dikte lu al inquesto pro ke viro de sientie non voli apari suporta populari superstitione. Ultrim pro ke Baskerville Kastelete sertim vud ha resta sin rentere si irge vud ha plugrandisa lun ja mali reputatione.
”Poki homes habita li area, e tes kel lojia proxim mutu ofte renkontra mutu. Dunke me renkontrad Sir Charles Baskerville ofte. Durant poki resenti mensus ha deveni plu evidenti ke li nerval sisteme de Sir Charles tensed multim. Lo traktad disi legende kom seriosi, talim multim ke, malgre ke lo marchad in li gardenes, lo non volid vada tra li aperti agres noktim. Li idee de hororisiv ente obsesed lo e plu kam unfoy lo questionad me ob me had durant men medikal voyajes vida irgi stranji kreatu o audi li ululatione de hunde. Li lasti questione lo questionad a me plurifoy, e sempre kun voise kel vibrad kun sensatione.
“Esed pro men aviso ke Sir Charles saled tre bald vada a London. Me kredad ke poki mensus in li urbe vud plubonisa sen saneso. Ye li lasti instante disi terorosi katastrofe eventad.
“Ye li nokte del morio de Sir Charles Barrymore non pluvad e non had pluva. Li chefi servere, kel diskovrad lo, did senda Perkins, li grume, per kavale a me. Me poved ariva a Baskerville Kastelete durant min kam un hore. Me vadad along li alee, me vidad li extruporte vor semblad ke lo did varta, me observeskad qualim li pede-printatus chanjad sen forme after tu, e ke non esed altri printatus exept tes de Barrymore in li moli gravele. Finalim me sorgantim examinad li korpore, kel non had bli tucha ante men arivo. Sir Charles liad sur sen fasie, sen brases extentet, sen fingres fosat en li tere, e sen fasial tretes konvulset talim ke me apene poved rekogni lo. Esed sertim nuli fisikal noso. Ma Barrymore dikted un falsi konstato che li inquesto. Lo dikted ke non esed uli markes sur li tere sirk li korpore. Lo non did observa ulus. Ma me did – ye kurti distantie for, e freshi e klari.”
“Pede-printatus?”
“Pede-printatus.”
“De viro o fema?”
Doktore Mortimer regardad nus stranjim durant instante, e basifikant sen voise preske a susuro lo respondad: ”Sinioro Holmes, lus esed li pede-printatus de enormi hunde!”
(The complete original novel: The Hound of the Baskervilles is available online here.)