Novial/Hunde Lektione 3

Wikikirjastosta

Li Legende[muokkaa | muokkaa wikitekstiä]

”Ma me did kreda ke vu volid konsulta me pri kelkum moderni e praktikal.”

”Tre moderni. Tre praktikal, importanti kose kel on mus solu in duanti-quar hores. Ma li manuskrite es kurti e relate proximim al probleme. Dunke me sal lekte lu a vus.“

Holmes apoyad retro in sen stule e klosad sen okules. Doktoro Mortimer turnad li manuskrite vers li lume e lekted disi stranji, oldi naratione:

”On ha dikte multi diferanti rakontes pri li origine del Hunde del Baskervilles. Ankore pro ke Hugo Baskerville es men ansestre e pro ke me lernad li rakonte fro men patro e lo fro sen patro, me nun skripte te kel me kreda verim ha eventa. Lerna dunke fro ti rakonte e sorga non liberisa tal mali pasiones, kel porta sufro a nusen familie.

”Ye li tempe del sivili milite li proprietere de dis estate esed Hugo Baskerville, kel esed verim sovaji, sindeal viro. Hugo did ama li filia de farmere, kel proprietad lande proxim li estate de Baskerville. Ma li bon yuna evitad lo, pro ke la timad lon mal nome.”