Novial/Hunde Lektione 4

Wikikirjastosta

Li Kaptate[muokkaa | muokkaa wikitekstiä]

Li manuskrite kontinua:

”Eventad ke ye un yule disi minim honorabli Hugo kun sink o six ek sen otiosi kompanes vadad al ferme por aracha li yuna durant ke lan patro e fratros esed for. Kand les had porta la al kastelete, les klefad la in li maxim superi chambre, durant ke Hugo e sen amikes sidad por drinka multi alkohole, kom les did ye omni vespre.

”Li yuna timad li klamado e malediktiones kel venid ek subu. Finalim pro timo la fad tu kel min bravi home vud tima e la klimad subu per hedre kel kreskad an li sudi mure. Tand la fugad tra li agres a hem. Kelkitem plu tardim Hugo livad sen gastes por porta manjaje e drinke a sen kaptate. Tand lo devenid tam irati kam diable e hastad subu per li eskalere, saltad a sur li table e dikted ke on deved senda li hundes vers la. Hugo kursed ek li hause klamant al serveres ye sadla sen maxim bon kavala e ye lasa li hundes eku. Lo donad nase-tuke del yuna al hundes e sub lume del lune departad tra li agres. Dek-tri ek lon kompanes prendad sen kavales e probad seku Hugo e li hundes."